កោកុង៖ ដោយមានការចង្អុលបង្ហាញ និង បទញ្ជា ពីលោក ឧត្តមសេនីយ៍ត្រី តាំង ឈុនស្រេង មេបញ្ជាការកងរាជអាវុធហត្ថខេត្តកោះកុង នៅវេលាម៉ោង១៣:០០នាទី ថ្ងៃទី២៩ ខែធ្នូ ឆ្នាំ២០២៤ កម្លាំងអាវុធហត្ថ មន្ទីរស្រាវជ្រាវនិងបង្ក្រាបបទល្មើស រួមនិងកម្លាំង អាវុធហត្ថ ស្រុកបូទុមសាគរព្រមទាំងកម្លាំងអាវុធហត្ថ ស្នាក់ការថ្មស ចំនួន ១៦នាក់ រថយន្តចំនួន០៤គ្រឿង  ដឹកនាំដោយលោក វរសេនីយ៍ឯក នួន វុត្ថា មេបញ្ជាការរងទទួលការងារមន្ទីរស្រាវជ្រាវនិងបង្ក្រាបបទល្មើស បានចុះអនុវត្ដវិធានញ៉ុះញ៉ុងករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន នៅចំណុចភូមិថ្មស ឃុំថ្មស ស្រុកបូទុមសាគរ ខេត្តកោះកុង បាន ឃាត់ខ្លួនជនសង្ស័យ០៣នាក់ភេទប្រុស ដែលមានឈ្មោះដូចខាងក្រោម៖ 1/ឈ្មោះ ហ៊ៀក សៀងឃួន ភេទប្រុសអាយុ 36 ឆ្នាំ ជនជាតិខ្មែរ មុខរបរ ជាងទឹក។ 2/ឈ្មោះ ខ្លឹង ផាត់យ៉ុត អាយុ 29 ឆ្នាំ ភេទប្រុស ជនជាតិខ្មែរ មុខរបរ ជាងភ្លើង។ 3/ឈ្មោះ សុខ ម៉េងលាង ភេទប្រុស អាយុ 24 ឆ្នាំ ជនជាតិខ្មែរ មុខរបរ តៃកុងឡាន។ និងចាប់យកវត្ថុតាងរួមមាន÷ 1- ម្សៅក្រាមសថ្លាសង្ស័យជាសាធាតុញៀនចំនួន ១៧កញ្ចប់ ទម្ងន់ ៧.៥៦ក្រាម។ 2-ម៉ូតូចំនួន ០៣គ្រឿង 3.ទូរសព្ទដៃ ០៣គ្រឿង និងសម្ភារៈប្រើប្រាស់មួយចំនួន។ បច្ចុប្បន្នជនសង្ស័យ រួមនិងវត្ថុតាងកម្លាំងជំនាញកំពុងកសាងសំណុំរឿងអនុវត្តតាមនីតិវិធី។